Lezcha | intent

Sco commember da la società promotura güda Ella/El in differents möds a sviluppar art e cultura in Engiadina Bassa.

NAIRS driva minch’on sias portas per var 20 artist(a)s da la Svizra e da l’ester e metta a disposiziun allogi, ateliers ed infrastructura. Mincha stà chattan qua artistas ed artists da l’art figürativa, da la musica, cumposiziun, litteratura, dal sot, da la performance sco eir scienziadas e scienziats spazi per concentraziun in quietezza e per creatività.

NAIRS iniziescha ed organisescha activitats culturalas ill’anteriura chasa da cura Scuol-Tarasp ed illa regiun: exposiziuns, concerts, prelecziuns, films, referats, performances, discussiuns, visitas guidadas, ateliers averts, workshops.

NAIRS spordscha ün access divertaivel e cumpetent a l’art contemporana e praista lavur d’intermediaziun e fuormaziun per uffants, giuvenils e creschüts.

NAIRS promouva, tematisescha ed intermediescha la lingua e cultura rumantscha ed inrichischa in quist möd la cuntrada culturala da l’Engiadina.

NAIRS prouva da vivifichar substanzialmaing la discussiun davart la cultura architectonica illa val.

NAIRS promouva il contact e’l barat tanter las persunas activas sül chomp cultural, ils indigens e’ls giasts.

Translation available / Traducziun disponibel : German, English