Urezza Famos

Urezza Famos es cusgliadra d’interpraisa e da cultura, editura e mamma. Ella edischa la revista „piz: il magazin per l’Engiadina e las vals dal süd dal Grischun“. Plünavant maina ella l’hotel da cultura Piz Tschütta a Vnà. Ella abita cun sia famiglia a Sent ed es creschüda sü in Engiadina Bassa. Davo il stüdi d’economia da manaschi a Turich ha ella manà dal 1986 fin 2003 l’impraisa da la famiglia involvada illas spartas da turissem, commerzi e medias. A l’università da Basilea ha ella fini dal 2004 il stüdi da diplom supplementar per manaschi da cultura. Urezza Famos es commembra da divers cussagls d’administraziun e s’ingascha per differentas instituziuns culturalas in cussagls da fundaziun. Ella es confundatura da la Fundaziun NAIRS ed ha presidià quella fin la stà 2011 (cun cuort’interrupziun dal 2009) daspö il cumanzamaint dal 2005. Ella fa part da la suprastanza dal parti verd-liberal dal Grischun.

returnar

Translation available / Traducziun disponibel : English