Ralph Hauswirth

Manader tecnic NAIRS ed artist

Ralph Hauswirth es nat a Cuoira e daspö là adüna in viadi. Per finir s’ha el plachà a Basilea e viva e lavura là sco artist. Il prüm sculptur a Lucerna, lura stüdi a Berlin. Appropriaziun fotografica ed a la fin lavuors installativas in cuntradas ed in lös tschernüts specialmaing. Lavura daspö ons sco manader tecnic al Center per art contemporana NAIRS.

„Ralph Hauswirth cugnuoscha NAIRS daspö seis sogiuorn dal 1991 e s’ha occupà ils ultims duos decennis, partind da sia lavur d’atelier da quella jada, artisticamaing cun las plattas preistoricas da Sgnè (Tarasp), ed eir culs deposits da las funtanas mineralas (exposiziun ‚Die Reise zurück 3’, 2000 e ‚Guarda Samnaun’, 2005, cun Pascal Lampert); plü tard s’ha el confruntà inavant cun la cuntrada culturala engiadinaisa e specialmaing cul vadret da Morteratsch (‚transit Engiadina’, 2005 e ‚Actual position, 2007). Ralph Hauswirth es bun da laschar comunichar vettas dal temp las plü differentas in möd giovantà ed a medem temp precis, e da s-chaffir tras quai preschaint. Culs mezs da la lingia s-chaffischa l’artist adüna darcheu constellaziuns unicas da spazi e temp, e quai adüna cun ün umur zoppà. Hoz ‚disegna’ il sculptur impustüt cun suas da culur tendüdas aint il spazi. Per l’exposiziun RESONANZEN/RESONANZAS voul Ralph Hauswirth interpretar la structura da la construcziun dal tet (palantschin) cun lingias tendüdas tras l’ajer chi sugerischan ün’interpretaziun nouva da la culmaina. La construcziun chi para provisorica ed efemera tira adimmaint ün profil da corda sco quel chi vain tendü per ün fabricat nouv e sugerischa il nouv cun masüra precisa ed iniziescha ün process da construcziun.“ Christof Rösch, curatur NAIRS Resonanzas 2011

Contact: r.hauswirth@gmx.net

Constataziun da l’artist

„A la tschercha dal sen, chattar la via illa lavur ed i’l contact social illa vita. Schi’s reflettescha quai, esa dat la pussibiltà da far art. Sco l’equipamaint dals alpinists, as mouva tuottüna in cuntrada maltransibla per far art.

Cun render consciaint il spazi driv eu meis sens.
Uschè s’invia ün evenimaint

Che succeda cur ch’eu lavur sco artist?
Quist evenimaint chatta sia via.

Che significha quai uossa?

L’evenimaint aint il spazi, collià cul dialog da l’observaziun, fuorma üna pitschna vantüra.

Scha quai dvainta chapibel tras la lavur artistica, as stessa esser cuntaint.

Ouvra reprodütta:

nairs, vor anker gehen, 2011
installation, seile, holz, takellage, beton, gips etc.

Zurück

Translation available / Traducziun disponibel : English