Men Duri Arquint

Men Duri Arquint ha stübgià fin l’on 2004 architectura a l’Accademia di Architettura di Mendrisio, ingio ch’el ha fat seis diplom pro prof. Kenneth Frampton (Columbia University NYC). Daspö 2005 lavura el sco architect independent e maina ün büro a Cuoira ed Ardez. Actualmaing realisescha el ün edifizi nouv per la gallaria Tschudi a Zuoz, üna villa ad Arosa e varsaquantas renovaziuns ed ingrondimaints da fabricats istorics in Engiadina, sco eir il plan da quartier Clozza a Scuol. Dasper l’actività architectonica classica realisescha el installaziuns da glüm e da spazi per la seria da concerts ‚Moment Monument’ cun l’ensemble Ö ed ün proget da Landart per l’on dal god da l’ONU insembel cun l’artist Mirko Baselgia. Dal 2007 ha el s-chaffi la scena per la premiera da l’opera Die Hellen Nächte. Pro seis progets fin uossa ils plü importants appartegnan il Hugo Boss Headquarter Switzerland, il plan da quartier chöntschet a Zuoz, il bogn cuernà cun sala da ballet per la villa Castell di Davesco, la Siedlung Berglirain in Glarus sco eir üna biblioteca privata ad Ardez. Men Duri Arquint ha lavurà sco assistent e tutor per prof. Quintus Miller a la Scoula politecnica federala SPF Turich, a l’Accademia di Architettura ed a la IUAV a Venezia. Dal 2009 es el stat docent ospitant a la HTW Cuoira, ed el es regularmaing critiker ospitant per differentas universitats in Svizra ed a l’ester. Men Duri Arquint es commember da la cumischiun da fabrica Nairs.

arqmen@bluewin.ch

returnar

Translation available / Traducziun disponibel : German, English