Gisela Göttmann

Direcziun administrativa, organisaziun e PRM

Gisela Göttmann Portrait NAIRS

Gisela Sophie Göttmann alavura sco managera da cultura e viva daspö il 1997 in Engiadina. Sia prüm’amur es quella per la cultura, sia seguonda quella per las muntognas. Davo 16 ons a Berlin es gnü il mumaint da far müdada illas muntognas. Davo ün mez on illas Rocky Mountains ed Alaska, ingio ch’ella s’ha ingaschada sco managera d’affar pro Four Corners Edition, üna pitschna chasa editura d’art, ha ella bandunà per dal bun la cità da cultura Berlin ed es ida a star i’l paradis engiadinais. 10 ons ha ella vivü a Malögia. Là d’eira ella manadra da gestiun pel center da vacanzas e scolaziun Fundaziun Salecina. Davo ha ella lavurà a l’Academia Engiadina sco assistenta da PR e da marketing e sco referendaria per contabiltà e persunal. Daspö l’utuon 2006 maina ella l’administraziun i’l center per art contemporana e s’igascha sül sectur da PRM. Ella organisescha il program cultural e la chasa per artists. Dal 2006 fin 2010 ha ella manà la gestiun da la Fundaziun Vnà ed es statta respunsabla pel fundraising e per la lavur da pressa da l’hotel decentral Piz Tschütta. A Berlin ha ella lavurà 10 ons illa Tanzfabrik Berlin sco manadra d’administraziun e producziun per la Tanzfabrik-Company. Ella ha stübgià etnologia europeana ed istorgia da las religiuns a l’università Philipps a Marburg. Sias cugnuschentschas economicas s’ha ella aquistada al gimnasi d’economia ed a la scoula da commerzi a Giessen.

Contact: info@nairs.ch

returnar

Translation available / Traducziun disponibel : German, English