La Fundaziun NAIRS, fundada dal 2005, es üna sintesa unica da halla d’art, center cultural e chasa per artists. Ella collia l’Engiadina cun l’art contemporana svizra ed internaziunala.

In sia funcziun da halla d’art realisescha la Fundaziun NAIRS exposiziuns d’art contemporana svizra ed internaziunala, üna blerüra da differents arrandschamaints culturals e colloquis.

Sco center cultural da l’Engiadina s’occupa la Fundaziun NAIRS da la cultura, da l’actività culturala e dals problems da la regiun. Ella tematisescha l’incletta culturala da sai stess da l’Engiadina odierna ed organisescha occurrenzas davart la vita culturala da la Rumantschia.

I’l rom da seis program internaziunal Artists in Residence (AIR) as manifesta la Fundaziun NAIRS sco chasa per artists. Ella invida mincha stà a 15-20 artistas ed artists, tschernüts d’üna giuria, da passantar plüs mais i’l center. La fundaziun promouva il dialog e la collavuraziun tanter las differentas spartas da l’art. Lapro sta in prüma lingia l’art figürativa. Ils stipendis van però eir ad artistas ed artists da las spartas musica, litteratura, teater e sot.

Temp d’avertüra chasa d’artists 2013: 15.5.-1.9.
Temp d’avertüra halla d’art 2013: 14.6.-1.9. | gövia - dumengia 15 - 18 h
Exposiziuns davant chasa: permanentamaing |Program culturala 2013 PDF
Email: info@nairs.ch
tel +41 (0)81 864 98 02
fax +41 (0)81 864 98 04